Keithel Ngamok

Khongchat amagi hourakfam amadi loifam tinnadanaba meepum khuding hotnei. Karigumba tinnakhrabadi khongchat adugidamak khong thangdoklubagi kannaba leitre. Khudingmak amangbani,asoibani Ahoua amasung aroiba ngamanmak khetnahan gadabani. Matang asidani khetnaba gi achouba maipunaba thoudang ama thorakliba.

Ningsingba amadi thamningli,loinaidaba ningsíngba ama loinaidaba wari amagi. Ningsingba leibana Akaoba su leibani. Eigi ningsingbadi punsi gí ni,nungsibagi ni taibang chatnarol gi ni. Punsi hingbada ahongba changngi. Nungsiba ama oibada awaba yaowi. Chatnarol kayabu nathei heide. Masigi ningsingba duni eina thamningliba.

Awoiba manba Aranba kayana awoiba Achumba gi matik mayai chamhalli. Achumba kayasu Aranbagi erolnungda adumak lupkhi. Aranbagi thouna ga Achumba gi thounaga asuk ki matik khetnaramme. Tasengbamak epak ka langghong ga khetnabadumak ni. Mathouna leiraba Aranbana thouna mangkhraba Achumba kayabu tattana karemnei.

Taibang keithel asida eihak su potlam amagum yonbani. Nga yonbi chinthibi singgi lubak ta,athum ahao yonba kuchu sengdabasingi hamchatnaraba makhut ta eina keithel ngamok oibani. Eibu pumnamak tagi kanbiba ngamba mapu mahak khakni. Mapu mahakki saiyon oina eigi mama,baba,cheche,echan,marup thabirakpani. Saiyon yammankhibana oiramba tare eigi baba na eibu eigi aningbagi mayok ta keithel da hek hek chatkhinba hotnariba.


Loisin Wahei

Baba touba khuding macha eigi yaifanabani. Adubu wakhal sina mahak na touba khuding yaningba pok u haiba ngamde. Eigi asoiba amasung mahakki aranba na eigi punsi amuk amuk chingthabagum touri. Tainafam khange. Baba bu nungsidabasu ngamde. Eibu achumba maikhei da pubiyu,he Lainingthou Ibungo

Punsi Poloi

Ningsingba gi loiba naide,akaoba gi mapal naide. Akaoba marakta ningsingba sing na leiteng oihouwi. Amuksu ningsingba khuding akaoba amamam loinarak e. Pukning nungsiba su yaorak e. Thamoi maka lam hanbasu kong gai ni. Ngasidi ningsingbagi thongjin da akaoba mahakna ngaaktuna leire. Wakhal su mamsinkhre. Amamba sisu ngasigi nongju sina henna mamsin hanbikhre. Amamba marakta anganba gi maikei thibani,thifam khangdraba mangal ama.

Mangal,mangal gi maikei bu fiji paiduna ennarabasu fangba kouba leitre. Thina thina asum houkhibana ngasidi matam kaya ama loikhre. Athengba haibado oire. Thenglabasu thengna ngasidi punsi hingbagi tokhaiba mahao amadi khangle. Masibu eigi tongjabani haigadra , amangbani haigadra nattragana mahut ni haigadra haifam khangjadre. Fare,amangbagi leingoi marakta yaorakpa lan ni khallage.

Minamba oidaba ngang fade haina piklingei dagi mama na tambirakpa paotak ama ngasisu elli. Madumakna minamba wa thoina haiba ngamkhidabani. Hoi,minamba khara yaodanabudi achumba oiba yade. Ngasi gi taibang sida achumba lising lising gi marakta asoiba amagumna yaorakpa minamba amakhak ngangduna achumbagi echel da taotharakpa sing gi leifam ataangba oire. Hingnbagi chainabung da minamba haibase ngamnamak changfadraba ama oiramme. Marup mapang singna minambirambagidamak waroufam su thoklamdre. Khudingmak lanfam da mai pakpa tannaba oiramle. Minamba na achumbagi mayokta lan ngam firal thetkhre

Punsi gi mahao amadi hingbagi nungaiba ani gi tainafam da mahing chadana hingba asimak asonba sing gi thafadraba chatnarol ama oirakle. Mamal leina hingba amasung mamal yaodana hingba --- loiba naiba punsi gi thengnaba naidraba torban gumlaba makhal ni. Pumnak ta matik chaba haibasina khetnahanbiagi thoudang adu loubani. Amuksu matik chanaba hotnabada thouna,lousing amadi mapu ibungo mahakki mamal naidraba thoujal changngi. Khudingmak na punsillaga taibang punsi sembani. Toubatabu ngasidi matik chadraba singidi punsi taangna thok a. Mapu mahaksu lan gei gi maikei tamna chatkhre.

Chatkhiba khuding halakkani haibagi thajaba kanadasu leite. Masi gi manungda matam su amani. Chatkhraba matam amuk halakte. Halakpa naidana matam gi kumhei da siba naiba meeoibana matam mahakpu loiba ngaibani. Masisu leppa,chokthaba leitraba khonjchat ni. Ahongba kaya gi hourakfam ni. Amuksu ningsingba kayagi tungnafam ni. Thokkhiba thoudok kaya,thengnakhiba mikup kaya houkhraba matam mahakki tabunungda chetna thambibani. Lemhouriba haibabu ningsingba khakni.



»Loisin wahei« : Paklaba ningsingba gi epakta eina ening tamna sanajabani,maka lamna taothajabani. Thawai dagisu henna luna thamjabi mahakki wakhalsu ningsingbagi erol nungda fumduna thamjabani. Halak aroidaba wari kaya bu eina ningsingluba gi kannab leite. Lakkadaba matam gi wakhal su khanfamdi thokpani. Adubu lakkadaba matam kananasu khangde. Khangba ngamdaba kayana tungi poloi ni. Manglamchat ti poloi na maikhum uppi. Madumaktanabu meepum khuding na afaba poloi bu khourangna ngainaribani. Khudingmakki marakta eihaksu mamal leiba punsi poloi amagi manglan da taothari....