Eigi Aningba

Ngasi numidangwairam gi atiya se sana ahingba machu haibadumak oire. Taramdai numit ki mangal,matou ubada pukning sumhatli. Nasik pambi pareng marak sida numit se keku lotpi sannabagumna amuk lot,amuk uhan touri........... Oh,warabra khangdre,numit se keku lotpi sannakhidre,lichil marakta changkhre. Eh,eh amuk thoklak'a........ Karino ne,numit se chingsang marum da lotkhrene. Kayada pangluribano eigi wakhal se. Thengjillakpagi numit taramdaigi matou se eidi eingonda sannaribani khallure. Onthoknasu khoidana yenglureda eidi.......... Fare,changkhro. Hayengdi nangi sana machu se ayukta masek naina amuk sandorak uko,penna yengjage.

Numit hek changkhibadagi nasik pambising se sannaminnanaba kanamta leitra malle,mathan mathanta leptuna leire.......... Eh,karino sidi,masa singse amuk fanna hairak'a. O,ei wakhal lak'a;nungsit ki sahum fangbasida amuk tekkhatlakpanidana. Hoine,adumaina nakhoina nungaina sannarabadi ayengba eisu nungaidana......... Adubu wa amadi haibige,nungsit se yam naksinna loinarunu,pukchel yamna pikpani. Nakhoibu nungaibagi manglan da taohallingei maru fangna fuktatpasu ngambani,nakhoigi thawai su louba ngambani.

Nungsit se kansillak'e ne tourise....... Eh,eh! Nonglei toudouriba haibado oiramalle. Hairimaktada henjillak'e ne sitpase........ Nasik singse henna haraokhre. Tounuda noibo,awaba taganida.......... Kamdouwi,eina ngasaina haidra,houjikti kari sa re;masa tek'a do. Nangi hingbagi thouna nungsit na pukhredana. Eina haiba louramlabadi si thoklamkhidra? E he,akaoba ama leire. Eigi heinou mapal sing yengludaba yade. Onthokna wana khanglamlani. Adubudi madi eibu luna khanjabani,nungsit pu kharamakhei di mayoknaramgani. Nakhoi amuk leihouro,eigidi eigi heinou pambi sina maru ni.

Heima! Karino sidi,ngahaktang nanaktagi lapthoklubada oiramlibase....... Ei yam pende. Onthoknasu fattedako nungsit nangse. Wana satcharakpa mapal singse hanna kharasu kelhanbikhre,ngasisu amuk pendadana kelhallammene. Oh,eibu soidana waroulamlanida........ Nang eibu waroubra ne? Ei lankhre,nangi nanakta lengdana leiba ngamhoudre,nangbu sennahoudre. Leiningdabadi natteko. Eigi punsi gi firep amahek khanglamlaba,manglan sihek mangfaonaramlabadi ei chatthoklamloi.

Ngaikho,mapal kayam kenkhrage yengge.......... O,awang thangba nakal asimadi kharadi leiridana. Makha rom gi sidi kenkhrene. Makha maikei dagi sitlakpa nungsit ni ne,kayam bu mathong charudoino,houna khangpotte. Hoida,kenkhribase nangisu makha thangba saruk ni. Khara kenjakhrasu kharadi lemhouridana. Pangal solluba nangdi adum chakna chakna leiba tabani. Se,henna cheksinna sennabirage hayengkheidi. Nangi akoibada sambal khaba yabani. Adubu nangna lengna haina,maning tamna sannabado eigi apangba thabak ama na lep hankhigadra pakhattuna khadabani. Khao da haiyu,houjikmak khage............Farese,mapal se mahei yalhansiko.

Nonglei su fakhre. Ash,nong amuk tadori malle. Mamit se khak e ne tourise. Nong churasu len dadi yaohanbiganu. Len ga yaoradi lemhouriba mapal se hayeng youraroi............. Nong nangbu leppoda. Nangse matam chadana lamta da chupakpa nong ni haibase kaoramalle. Matam chadaba nongdi awaba khakni piriba. Nangbu kananasu pambiroi. Eyish,afaba gasu sajariye. Nangna fana chudunasu,matou fana tamdunasu inga nong gumna chuba di oidrawani........... Eina haibase tadene,usittaduna henna kanna chukhrene. Oh,fare fare,pennaba churo. Adubu eigi heinou mapal kelhanbadi yaroi.

Ngasina ngasi oire,ngasidi houkhrabani. Hayeng ayuk ti eigi sana machu na leitenglaba numit na chingkhei hullakpada nangna athingba pirabadi eibu fatte haiganu. Karigumba nangna ngakchao thektuna adumak leirabadi nonglei kouduna nangbu humdok han gani. Masidadi eibu fatte hairanu. Heinou mapal satlabasu Numit yaodana karamna mahei yallakkani. Nong,nang hakmalle,wakhal khanthou. Heinou mapal sadaba yade,Numit maning tamna thoklaktaba yade. Nattrabadi ei leifam khangloi.

Nungsit Amasung Eigi Heinou Pambi

Mikup khuding gi ahongba awonba amamam ui. Ahongba awonba khuding matam na purakpani hainei. Yeningtha lakpasida kanglamba upal wapal sing tapna tapna mayol amuk chonglakle. Adubu ahongbadi leppa leite. Asum na asum hongkhibana nongmadi nakentha laktuna chongliba mayol amuk kangkhigani. Eigi efam da lakliba ahongba asimadi matam na purakpa oirabasu matam mahak khakna honghanbadi natte. Adubu eigisu nakentha di amuk lakkhigani. Kum gi lakliba ahongba asigumnadi oihanningde.

Sumang maton gi heinou pambise ahanba oina mapan saba fangjare. Yengbada pukning huna fajei. Adubudi mahak khak natte mapal sariba,atei heinou,nobap,champra,heikha mapan sare. Pungdon pambi ama anisu mapan saba ui. Tasengna hairabada eikhoi da houba hei pambi khuding mapan sare. Adubu ei ateida pukning lupte,sumang maton gi heinou khak nattana.

Ngasi ngarang sitliba nungsit se eingonda chingnaba faohalli. Onthokna kanna sitpa nungsit haibaduni. Heinou mapal se kenkhigani khanbada nungaite. Mangao thiba nonglei nungsit ni,mee gi awaba nungaiba apamba nungsiba karamnadi khanglugani. Atei hei sing gi mapal di chahi kayagi mamangdagi satpa kenba adumak touduna laklabani. Ahanba satchaba heinou asimatangdi kelhan ganuba nungsit nangbu. Ngasi kenkhrabadi amuk hanna satningba faoraroi heinou se. Adumna tourabadi eigi pothafam su mangkhragani.

Eina haiba tadaba makhei sitli nungsit se. E he,mapan ama manahek ngamduna kelhankhrene. Onthoknasu fatteda nungsit nangse,mee gi yening bu namduna hek thudekpikhida. Eina kelhanningdrabasu karamna thinglugani. Thamoi panba,wakhal khanba,nungsi khangba nungsit natte. Adunadi mahakki mang da leiramba khuding humdokkhiba hounasani. Adubu ei mapan se kanningkhidabadi natte. Nungsit se kanmankhre,mabu thingbagi pambei thouna eingonda leitre.

Kenjakhrasanuda,upal oina pokladi mapan satpa,amuk wana satchariba mapal sing erai laina kenkhiba mahousa ni. Adubu mahousa ni hairabasu ngasigi asimadi nungaite. He heinou,nangsu pangal sonmalli. Solladi wajaba tabani. Nangbu kanana sum leptuna leiyu haibagene? Nangsu lengngudana,sitliba nungsit se mayok nou. Nangidamak ei leiri,angamba khuding tougani.

Eina mateng fana pangduna nangi mapan kendanaba hotnarabasu leibak manung da fumduna lengba ngamdraba nangbu eina chat hanbadi ngamlaroi. Nangbu chat hannaba hotnarabadi nangi nouriba punsi loikhrani,eibusu upal ga marup sannaba angaobani hainakhini. Aduna punsi lomkhibagi mahut awaba singse adumak mayoknarasi. Nongmadi nungsit su lepkhigani,nangi awabasu farakkani. Masimadi ei nangi nateng touba ngamdre. Eibu warounuko.

Simadi thajou,nungsit se sidagi henna kanna sitlakkhigani. Eisu nangi mapal sing kendanaba kanna hotnakhigani. Adubu eina karigumba nangi mapal singba kanba ngamhoudaba tarabadi ebani ninghannagumsi. Nanggumba kayagi mapal su nungsit sina kelhankhrabani. Athingba apanba amadi akanba nungsit pu mayoknaduna mapal amakhak lemhourabasu,lemhouriba mapal duna heinou oina palhansi. Nangi heinou gi athumba mahao na ishwar da kattuna nangbu eigi ishwar na thoujalhansi. Madugi matungda eingondasu nangna piba heinou mahao tanghallu. Akhang kanba oisi eikhoi animak. Eisu nahakkumbani,nahakmakni.

Thamoi Gi Machu

Achumba wahei,asengba ehul gi channafam leitabagum urakle. Leinariba meeyam,khannariba wakhal khudingmak aranbagi epakta achumba khujok ama khakni yaoriba. Aduna eigi achumba,asengba khudingmaksu aranba amagumna ukhibada ei waroufam thoktabani. Adubu mee gi wakhal gi aranba uba ngamkhidabana eigi achumba khangbidaba warourui. Adumakpu eigi waroubagi maram aranbani khallage.

Eigi asengba machu ei khangludre. Machu thoktraba punsi ni,khanglubagi kannabadi leitrabani. Laibak faba numit amada khangjinbagi kannaba lakkadra khanbagi khangninglakpani. Ningsingba amadi akaoba anigi kumhei da eina ningaidana famduna yengli. Yengna yengna ei esabu kharamakhei khangba houraklabani. Eigi punsi gi machu masak thokkani thokloi khangba ngamde,khangdringei punsi loikhibasu yai. Wakhal chetpa thajaba thamba ngamba nattabana eigi punsi su ei esana thajaba ngamde.

Wakhal chettrabasu,thajaba watlabasu potsak amadi ngasifaoba thajana eigi oirakkhini khanna thamli. Oibadi lairaduna masak faoba uba fangdabasu yariba potsak ni. Numit khudingi akaobana thallaba eigi wakhal da ningsingba oina thamli. Masina eigi punsi ni,eigi laibak ni,eigi thawaini,eigi loifamsuni. Eigi wari gi poloi,punsi gi panthung afaba tangkak amadi oihanningli.

Matam amada eigi punshi da laklamba nungaiba mikup ama faduna thamba ngamhoude. Tuminna leibasina fare khankhibani,fajinba ngamdagisu thoina nungaitaba leikhide. Ngasidi matam se fana thengjinkhre. Nongma nongma houkhiba khangna khangna khangdaba sana adum houkhi,khamba ngamdana adumak houkhre. Nungaiba fao khamba ngamjadaba eina meepum khudingna khamba ngamnadraba matam bu karamna thinglugani.

Ngasidagi nungaiba ama amuk hourani,kumhei ama amuk lak'ani. Nakatheng lakpa angang singi maithongda tagadaba haraobagi mami yengge khalli,makhoi gi nungaibada eigi awaba kharadi sinnage khalli. Adumakpu ngamdabasu yai,chahi kayagi mamangdagi masigi wakhal se nakatheng khudingi khallabani,thabak oina pangthokpa ngamdabani. Adubu ngasidi oiningba oirasunu,ngamnaba hotnarage.

Yaoshang yaodaba chahi mari sujillak'a. Handakna akonba yaodaba oirasanu. Yaosangi machu na eigi angouba thamoigi machubu makhal kayagi machu sanglasanu. Angouba oibana aruba thabak amadi oiroi. Thamoida faorakliba nangbu nungsibagi ehul simasu aber gi machuna kupkhrasanu. Oiroidaba wakhal da luppa ei pamdre. Eigi thamoi yaosang gi nungaiba,aber gi fajaba,angang singi chamjaba matou amadi nangi thoujal da lupkhrasnu

Wakhal

Charangnaraba eigi wakhal da anouba charangnaba ama amuk lak'e. Meerak tinba ngamnaba angamba paanggal puthoktuna hotnari. Eibu angamba mateng pangbiba kaya amasu yaori. Adubu hotnaba kanba,laibak faba oirudabana mangfaonaba ngamde. Eigi thamoi gi aningba apamba singgi mayokta eigi wakhal na leppa ngamkhidre. Karigumba eigi thamoi bu wakhal na ngamlamlabadi ei ngasi asumna oiramloi. Ahan laman na haiba enba simasu karigumba matamda amangba oirak e. Amaromda masisu eingondadi thoujal amani. Awa cheitheng,ekaiba khuding karamna mayoknagani haibadi khang houre.

Eigi pukning,thamoi amadi wakhal ahum makki hourakfam mannade. Aduna tinnafam su pullu yade. Masina eingonda awaba kaya ama piri. Karigumba matamda wakhal gi thoudang khuding pukning da sinnage khalak'e. Amuksu thamoi gi marol wakhal na fong han ge khalli. Adubu mafam khangdana mangkhi. Mafam khangdana mangkhiba amamam na achouba amangba ama oirak'e. Wakhal,pukning amadi thamoi gi matou yengbadata angaoba amagumna matam kaya houkhi. Matam gi pammuba thoina leikhidre.

Wahei khudingi hourakfam,sannafam,loifam nangi mafam da oirammi. Eigi thamoi gi nungsiba,pukning gi aningba amadi wakhal gi lousing nangi mafam da mangkhibagum touwi. Masimakna eigi thawai nahakni haibadi natte. Meerak tindaba eigi etou sing nangna soidana saoninglamgani. Adubu lairaba macha oirubana nangna khaliba thak youna kakhatpa ngamkhidabani. Ngasidi ngamkhidaba adumak eigi laibak faba ni haina khalle.

Hingbagi wahanthok,nungaibagi maram kayarak hanna thinaba hotnarui. Adubu akonbada thiruba eitana apangba tahouwi. Houkhiba matam sidi halak'aroi. Mangjakhrasanu,madusu eina panglubagini. Apangba singidi tongjaba leite,amangba khakni. Nangi nafam da eibu apangba sembagi kannaba amadi soidana leiramgani. Eidi nangi wahei khuding eimak na haibani khanna takhiba na nangbu maral siba ngamkhidabani.

Ngasi hougatlakpada eigi mallaba,piklaba ka gi thongnao hangdoklui. Numit ki angangba mangal eigi mit ta yeirakkhi. Sumang maton da houba heinou,pukhri mapal gi nobab mahei gi manam tarak'e. Uchek sing khonglak'e. Ei wakhal toukhi,khanglak'e,ahongba amadi lakle. Yeningtha lakle,malem dasu,eigi thamoi dasu. Matam sum houkhibana numit tasillakpada maning gi lampak ta famduna mahousagum numit na tamlaba khoupum tampak pu koisilliba loibi chingsang gi marum da takhiba yenglui. Numit takhibase yengba yam nungsi,pukning huna fajei. Eina seirengloi oiramlabadi seireng kaya ama eramgani khanna khanna wakhal ama thorak'e. Ebani gi numit takhre ningsinglak'e.

Ei ngasidi amuk hanna warudre. Eibu khut samduna eigi aningbagi panthung youna pubiba ngamgadaba ama thengnare. Magi awaba saruk khuding eigi oijage khalli. Adubu masu matam ama nattraga amadadi eingondagi soidana lapkhigani. Ebanigi marakta su numit taba leirakkani. Karigumba matam duna laklabadi ngasigi numit asigumna pukning huna,nungsina takhisanu. Matam gi khongchat thingba ngamdaba oirubana yengduna leiba tabani.