Saturday, June 23, 2012

Asengba Thamoi ga loinana Asengba Hakchang

Nungsiba ama mangkhiba,kainakhibada kayagi matik wai haibdu ei masek sengna khanglabani. Aduna kanagumbi amattaga nungsi mari leinararoi haina khallui. Adubu khallubaga touthorakpaga hek hek tai onnaba haibasimadi mee oi mapok ki matou oi. Eisu mee oina poklubana khallubaga touthorakpaga tai onnare. Amuk hanna mari leinararoi khallamba ei kanagumbi amaga nungsi mari leinare

Ahanba ubada nungsinabani haiba kaya ama lei. Eigi efam dadi ahanba uba,ahanba thengbada nungsiba natte. Mahakki ming,mahakki lamchat ahanba oina pallakpa takhi. Eidi aduda adum nungsirure. Ahanba tabada nungsiba haibado oire. Yam tangna thokpa mawong ni. Mapu gi thoujal haigadra mahakka thengnare,khangnare tapna tapna nungsinare. Ngasi maga eiga mari leinaba haibado oire

Thagatpa thagattaba naidana,mahak yam chammi. Ahal laman na haiba angamba thakta enbagi mami tai. Ekai thiganbi,pakhatchaobi matou na mahakpu nupi da nupi haibado malhalli. Chak ensang su adum thongngi mahak. Eina khanjaba nupi amada chen gadaba goon -lairik laisu khangba,masak changkhonba,ekaithiganba,chak thongba heiba.ahal laman naina chatpa,yum pugadaba nupi haibado mangonda thok a.

Naknana leibanani haigadra mahakki maramda khangbada awaba oide. Ekaiba pumba thadoklaga eidi mama baba kaka indomcha da faoba mahakki wari lirabani. Nungsiba nani haigadra,ekai khangdabanani haigadra ahal singi ayaba amadi fangle. Nungsijabi mahakka ayetpa leitaba khongchat amadi houkhre.

Houjikki matam da leisabi haibasi thibada awabani hainei. Eina leisabi ama fangbada asukki matik haraoribasi maram chabra haina khalli. Amuksu nungaitaba amadi adum faowi. Sennahoudaba mikup amada mahakpu aranba lambi da pukhikhagadra hainasu pakhatli. Pakhatchaoba ni di hairani,amuksu matam sigi nupa ga manade soidana hairani. Amuksu eina ekaithiganba oirubana eigi nungsiba se mapung fana mahakna khangba ngamlaroidra chingnei.

Fare,masina masi oikhrabasu mahakki amakpa yaodraba aruba echel da amotpa amatta tahanningde. Mahakki senglaba thamoi,asengba hakchang di adumak sengna leisanu. Leiman chanba leidi mapu khuyakhada katnade,katlabasu lousinnade. Karigumba mahakna leirang mapokta poklammaba,latnadana lousinlamgani mapu na. Chamna leisanu,engna tapna,asengba kayaga loinana.

Thursday, June 14, 2012

Eigi Nungsibi

Eigi Nungsibi
Nangbu eigi fangjaba
Nangna eigi leppiba
Eise kayada laibak fakhraba

Fajaba marakta
Noppa leitana fajarabi
Awatpa leitana ningthirabi
Ningthiba,fajabana leitenglabi

Ngouraba maithong
Chingjao gum napom nairaba
Nangi pisum ani na
Mitsna thambal bu sennaba

Koidanabi maithong
Tabaraba nangi chinban
Ekaina yenglakpa mityeng
Oinaduna dada haina koujaba

Ekaithiganbi natou
Pakhatchaojaba nahakna
Ahoinana nungsihalle
Atat akham leitana

Eng tapchaba natou
Matik happire nahakki
Oihalle nangbu meeyam maraktagi
Henna thoibi athoibi

Chingnaba pumba thadoklo
Thaja mana changdringei
Eigi nakta leplaro
Eigi eka da sanararo

Laklo famlaro
Konbirage nahakpu
Awaba kayadagi ngaktuna
Nungaiba gi lambi thirusi

Mamal naidraba nungsiba
Lousille eina akhakpa thamdana
Luppage paklaba epakta
Nungsiba na thallaba nahakki

Punkhrabani nungsibana
Nungsi langla na semba nungsi thourina
Chejetna chetna
Sarak siba naidana

Punsi leipun semduna
Thadoklaroi mapoksimagi
Thawai ga hakchang ga khainadrifao
Nangna thawai eina hakchang

Lennajage meemang da
Eigi nungsibi nahakni
Ahal laman gi mityengkhada
Semgatchaba nungsibani haina

Inga Gi Nong

Inga gi Nong nang amuk lak ado
Omchaknaraba meisa ga loinana
Chaktheklaba taibangpan asibu
Enghallage matou gum

Churakle achouba nonglik oina
Fuina hourakpa sanampokpi nong
Kalen meisa gi ayakpa marakta
Ae'ngba faohallare nahakna

Khouganglaba loubuk kayada
Esing na langna chelhallani
Founa singi yening su
Nangna soidana pirani

Haraomanduna leppa leitana churakkani
Churanu haiba yadana
Echao kaya thok hangani
Yum kaya thugekkani.

Maduna nangi apenbani
Nang makhei fangba nungaibani
Mee oi kayagi thouna happiramlaga
Amuk maru fangna manghanba

Eigi hakchang busu chamthokpirani
Mayak kallaba nangi nonglikna
Ningsingba kayasu taothaduna pukhini
Akao parei chandraba wakhal dagi

Chenthakhrabasu eigi thoudok kaya
Mafam amada lamdanbirammu
Hayeng eina siraga
Eigi ningsing khudam oinaba

Tuesday, June 12, 2012

Chinda Paoda


"Taret makhai di pironeko,nayambasu yonningnaka yonbadi natte ko"

"Tachou,makhai dudagi tara dadi tahanbiro,nanao su leita leita leiribani"

"Madu hairanu ebungo,taret makhai pamme loujaro,pamdre fare"

"Fare tachou,ei hayeng puraga lak a ge"

_____________________________________

"Lou yondourabo,baba"

"Yollani"

"Karamba"

"Asomgi noina sitte sitte haibaduni. Yengu houjikti sitledana sittedo. Noi yam sitloi haidaine,naya kummedana"


"Ash,baba haifettang di tanabirammudana,ei natrasu mama da faodi tannaramba fabani"

"(Yengthok laktana)
Hey hey,angang nang lairik tougadaba adum tou,thou thirakkanu sida"

_____________________________________


"Asengbei yondoura malle mama"

"(Chafu du otna otna)
Lou sa-ngam kayani hairak e"

"Adudi khangdre"

"Karambani haige yondoido"

"Aaa asom mamang thangba lousaan yam piraktaba mafam du ni haiye"

"Onthokna mathong chadeda nang baba se"


_____________________________________

"Taribo,lou yollani haina ebungo na hai,chumbro"

"Hoi,yollani"

"Keigino"

"(Saoraga)
Noi bu mee atei da lou sittaba ngakta thammena yam sandoktaine"

"(Peirapna)
Nangonda haiba nattana kanadabu haigene,handakti haidrena"

"(Nasonnana)
Mama,tok o. Magi se achinba leiramni"

"(Khudombi singduna) Hey fangadouriba lakh taret nipan se loi lou,khangeda wa makha tanu"

"Eingondagadi thangjinbirakkanuda,ei khaktana haibro,nanaopa singdudi haidabra"

"Adu oirasu"
(Sprayer ama nang-ganda poduna tinkhak hatni haiduna chatkhi khongkap laona thangduna)
_____________________________________


Loisin wahei; Epu haktaktagi ahal na haiba toudunata lak e eikhoi gi emung. Houjik faoba soiba yade haibagi matou gum ahal oibana apamba adukhak adum touwi. Ahongba amadi mathou tai,adubu karamna hong han gani ngamde. Chatnabi nangse lukhredako

Loufam ado chahi ma-nga gi matungdadi lakh kun di soidana sitlani. Adubu yondabasu yari

Friday, June 1, 2012

Yahourakpada Patriotism


Kangleipak ema nungsibi
Meitei gidi hourakfam
Chingmi tammi nungsina
Leiminnaba lamdam ni

Ahongba kayaga loinana
Achetpa kaya amasu
Chettaba mayam amasu
Ngasidi hongkhre loina

Matam amada Kangla
Konung oina leirammi
Aruba laifamlen ni
Thajanjei maichou singna

Ngasidi kangla konung
Achapot ki maming oire
Nambol da sarakpa
Guwahati da hongkhiba

Paona Brajabashi gi wari
Paona keithel da tinkhre
Moreh gi potlakta
DVD player marakta

Thangal furup ki athouba
Thangal General nahakni
Ngasidi amattabu udre
Naga loina onkhre

Khongjom gi lanfam da
Bomb gi meina kak amba
Kheba Ching gi chingthakta
Fura mitam oina yungkhre

Athouba Thangal General su
Thangal Bazar da
Koijomba singa loinana
Bhangra jagoi saminnakhre.

Ereibak pu nunsijei
Hairiba Ereibak asimaksu
Nambol Langpok ki
Achapot Brand ama oikhre.

Eina tasengna nungsibadi
Eigi pokfam Ereibak,
Ereibak ki Konung Kangla,
Paona,Thangal Athouba ni




© koroumasek.blogspot.com