Friday, July 22, 2011

Khongchat

Pung 9.50 gi flight oibanina yum dagi 8.15 da thok a. Cheche da phn touba ngahakki matungda tulihal airport ta pung 8.30 tarakpada kaka na baba eiga thanammaga chatkhre. Boarding time 9.05 oibana check in touninglabani. Adubu khongbu oigadaba dada amadi mamhal laktaduna ngaire. Mama da thengbagi pao tamme. Makhoi lak aba matung eikhoi mari na akonba oina check in toure.



Nahankheidi IndiGo si matam ngankhatpani,adubu ngasidi thenge. Thenglabasu thengna pilot ki heisingba haigadra Airbus ki thouna na haigadra Lokpriya Gopinath Bordoloi Airport thungbada minute 30 khaktamak change. Ei pung 10.30 tabada Guwahati Airport ta handak chahi ama sida mari rak suba oina thung a. Mama da youbagi pao tammaga cheche da amuk (cheche eigi punai gi lengdraba saruk ama oire) tamme. Mamang gi khong chat ahummak ngasiga pandam mannaba ngaktani,pangthokfam khetnabatani. Belt number 2 dagi pot chei louraba matung dada,baba amadi mamhal ga loinana shillong gidamak thoklak le.



Taxi driver mayam gi sou saba pou namdradi thingba waba haibadumakni. Shillong faoba chatpagi achatman ngangnabasu kumhei amani. Assamese khollei changlaba taxi driver singi Hindi na ngahakti nakong singja yeihankhi. Eisu yamna tangna ngangba eigi Meitei Hindi da pao faonare. Ngangnaba yaba ngangnarabasu lupa 1600 tagi tana shillong faoba pubigadaba taxi amatta leitre. Dada counter da changlaga prepaid taxi gi mamal hangbada lupa 1650 dagi 2500 faobagi manungda lei hairakpadagi 1600 piraga Wagon R amada chatle. (Tha ani gi mamangda lupa 1250 oihoubani. Thao mamal hengatlakpagi tangkhatpa oirambasu yai. Thao gi mamal si su atiya khetkhre)


Mayam changna enduna car start toure. Car gi mawong thoina farammoi khalubani. Madumadi oiramdre. Chatna chatna Bojar da lupa 100 gi thao hallaba matung(Assam da thao gi tax chaowi,meghalaya youraga tax apikpa mafamdagi hongna han ge khalamba yai) eikhoi thourak a. National Highway number 37 gi tung enduna Wagon R aduna eikhoibu Jorabat youna pubire. Jorabat tagi NH 40 amuk mahut sinkhre. NH 40 gi hounabi lambi adumak fatlamde. Uful na leichil oina thaba haibadumak ni,Manipur ga pangkhak ni. Traffic jam oiduna pung ama pallaga amuk thoure. Ayamba meitei amasung manipuri singni. Onthokna yamkhre.




Ri Bhoi district ki UM na initials oiba lam kaya lallaga lakpada ahongba kharadi adum uba houre. Marak ta ngaihak khamduna baba dagi lupa 1000 louraga thao hankhre(eina khanba chumme,tax hongba mafam da thao halle). Apikpa lambi du pakthoknaba chingmai sing temkhairamme. Adubu eidi ching gi angangba machu da kaya khoidarude. Eina yengninba asangba pambi amadi lambi ga tainariba chingmai dudi uba fangdre. Temkhaibaduna chingmai sing lambi dagi lapthok halle. Wakhal ama khalli,mafam asida eina uningba asangba napi amuk hanna houbada chahi kayamadi sodana changlani. Thaina naklingeidadi mahousa lairembi gi chidaida chatpagumna tourambani.



Nongpoh (eina ahanba khangba meghalaya gi lam ni) yousillakpadadi ahongba henna ure. Chahi ani gi mamangda(2009 amadi 2010) piktakna leihouba Nongpoh fana chaothoklamme,chaokhatlamme. Auto parking ama leiramme,taxi parking amasu. Faklong kharaga leihouba yum sing leiramdre(tasengna yum anouba sakhrbra nattraga tanthokpikhrabra khangdre). Lambi gi nakal da leiba church,yum,laising takkhairamme(takkhaiba gi thabak si eikhoi Manipur khak natte haibasimasu khange). Chaothorakpagi mingda leifam kayamadi mangkhre. (Yeikhai thugaibasi Congress amadi chungsinnaba party gi heinabi oiramalle)




Pung 3.30 da Centre Point manakki taxi parking da taxi khamduna eikhoi khumthare. Eigi heinabi oina mama da youbagi ahanba pao tamme,adubu phone kaka na paikhatlakpadagi kaka gi khuthangda oina tamkhre. Eiga mikup ama thanaba ngamdaba mama ni,eisu ni. Phone amuk tourak a,youbagi pao tamme. Baba ga Mamhal ga leifam thiba chatkhre. Khara thengna yourubana hotel ama wana fange. Eiga dada ga leibadu nungaitadana phone touraga Da Shyam,Da Thanil,Da Pritam koure(makhoi di numit ani gi mamangda chatkhrabani). Da Shyam khong nai haiduna madi laktre. Eikhoi mari wari touduna leire. Da Pritam na ngasai Wards Lake ta Assamese nupi ama khangnarakpagi wari tammi,eikhoina tari. Condition fattrabasu fattana eikhoi Hotel Utsav ta adum leire. Punsi gi ahanba oina mama da hanna pao tambagi mahut Cheche da oina tamme.



Da Pritam lupa 5000 purak e,1200 loikhre hai. Adudi fa re,achapot leiro haiduna pani puri chaba thok a. Mata amagi pani puri ni. Da Thanil heinadra malle,ani dagi henna chadre,eisu adum tok a. Ateidi dada ga Da Pritam ga na chkhre. Halengba leite,nakan gi hotel amada chicken tandoori amuk chare. Handakti eisu houna khangdaba tarani khanbadagi lupa 100 puthok a(ei peisa yam loithokpa yade,lupa 500 halakkadabani yum youbada,eigi wakhal ni). Hotel manungda Da Pritam waiter duda meiteilon da order touba houre (khangaroidabanina ngangningba ngangbni,masi Meitei gi lichat ni). Eikhoi pulap amuk thoklak a. Nungdang afangba hotel amada mamhal,ei,dada yen thongba chare(eikhoi manipur dadi yen chamfutni soidana haibigani,hotel mutpa khuthongni,haotaba hounakhei haotre). Baba di yen chadabanina manak nakpa Arun Hotel da nga thongba chahoure. Chak charingei Che Rida phone touraktuna baba gi number loukhre.(ngasai hotel ka manung da leiringeida ka ahangba leibra hangu haiduna eina hanglurabni,leiramdre).






Eikhoi Gangtok ki,Sikkim Manipal gi wari touduna halak a. Hotel youraga baba na Che Rida ga Ka Nabachandra ga eikhoi na mamangi chahi singda leiba hotel duda thamamme haire. Famungda blog e ge touringei mama phone tourak a. Chak ki,lairik ki,tumba gi maram da hanglak a. Eina blog ta article eri haibadagi lairik pao,matam natte ebagi haina cheiba houraklabani. Ibemma lairik paba sangli,nabadi khara fa re (pung 10.30 tasilak abani,mama du lok kanna touhoubani) hainaraga thammage haiduna thamkhre(mama ebani tha ani gi mamangda eina guwahati da indomcha gi yum da numit mari leiringeida phone toubadata lupa 210 loiba yaokhrabani). Ei cheche da msg thaba houre. Kamlak chokmandana ngasidi lairik yengdre(yengba yengdaba amha ni).




Athengba thabak ta afaba amatta leite. Adubu afabani khanba tabani. Shillong gi shaktam amadi eng tappana eibu amuk hanna ngaohanbiba houre. Hayeng mathangdi punsi maikei lepkadaba changyeng ni. Chahi anigi amamba se amukta kok hanbiduna eibu mai pakpagi lambi da pusinbiyu,he lainingthou ebungo. Shillong gi tampak ta lainingthou gi thoujal ngaijari





Wahei khara............

Shillong da leiba NEIGRIHMS gi 24 july 2011 da tougadaba mbbs entrance yaorunaba Mamhal,Dada,Baba amadi ei punna 22 da chatpani.

Cheche - Achom Bala Chanu NEIGRIHMS ta mbbs tamli


Eina touba khangba khuding mama da hanna tamba eigi heinabi ni.


Che Rida Utlou Makha Leikai dagini,marirak suba attempt ta rank 72 da manipur mbbs bds entrance 2011 khalabni.


Kaka Nabachandra Che Rida gi baba ni.



Ibemma Madhubala Achom kouwi,class ten ni. Nungdang thengna lairik paba magi heinabini.

Indomcha gi nupa,kaka SBI gi employee ni,guwahati da thabak tabanina New Guwahati da apartment amada emung pulap leiminnei.


Dada Swamichand Lairenjam kouwi,mama gi mabung mamhal gi macha ni. Sikkim manipal da mbbs select touduna date 30 da Gangtok chatkhra ni. Handak counselling chatlubagi wari loiba naide,Sikkim gi nupi sing na Chinese manna sit nanna fajabagi,Buddhist monk singna Converse tongbagi,lambi gi...........




Meitei amadi manipuri sing amuktada pullap thige hairabadi houjik chap chaba matam ni. Shillong meitei amadi manipuri na thankhre

No comments:

Post a Comment