Monday, December 28, 2015

Wai Teiringei

Kari esige khanfam Khangde. Chahi ama makhai henjillak a blog asida erakkhidaba. Wakhal se thok u yade. Fongningba fongdoklasige ngamde. Chatnabi amasung chatnarol na punduna thamkhre haibadu oire. Lengba ngamdana fajinduna lakpana ngasidi hainingba kayasu leiton da pallaga adum leihoure. Punsi se afa apun na thalle, meefa meepun na thallaba eigi eramdam ga pangkhak oire.

Marol nairaba khunai gi amamamta sandokkhriba marol haibadi, peisa paiba, enak khunba, lairaba, padatnaba- marol kayadigi manungda chanbasu ngamda, marakta chapsinduna khangliba meeoi kayagi manungda eisu amani. Amuba lambi su chatpa heijadabanina peisa paiba oibadi ngamhoudre. Enakkhunba amasung lairaba anigi karakta lottuna leijabani eidi.

Ngasidagi chahi 8 mukki mamangda Keibi dagi lambi semba meeoi khara eikhoi gi mamang sanggoi da leihankhi lambi semlingei manungda. Makhoigi marakta Etocha kouba meeyai challaba ama yaowi. Eidi angang oina makhoigi marakta wari taba hek hek chatpani. Pabung etocha na eigi baba dahaiba wa ama ngasisu ngaodri, " Oja, enak khunba haibase peisa khaojao ama paibadu natte, pot ama hekta pamlakpa matamda pot to enak tagi taap taap khunba ngamva meeoi adubu enak khunba kouwi"

Pabung etocha gi enak khunba gi wahanthok matam aduda khangkhide, houjikta khanglakapani. Adubu luribadi ngasigi meerol na enak khunba gi wahanthok se peisa paiba rom da hannakhre. Apamba potsak enaktagi khungey hairabadi thamjinba ama hanna changngi. Madusu amuk peisa na leigadouribani. Eigidi peisasu leijade, eibu karamna enak khulli hairugani. Adubu ei lairabasu natte, eigi lan thum leijadrabasu angamba mateng angamba mawong da pangthokli. Thamoi ga lan ga pangkhak ti natte haiba eisu khangi.

Houkhiba numit khara sida chakyam chaba eina chakhriba chak ki pangal puthiktuna eigi mansillaklaba leibak na saaba yum ase semjinba hotnarakli. Tapna tapna eina faklanggi kaa khuding teirakpada wakhal ama lak e. Eise ngahan makhei manglan gi taibang amada hingluredana. Yum sadringei chuhi chafu thugaibagi fibam taramgadaba khitamak ngairammi.

No comments:

Post a Comment